ایس دے بارے وچ
تین سوال پوچھن دی روایت، تعلقات وچ جبر تے کنٹرول دی نشاندہی کرن دا اک نواں طریقہ اے۔
شریک ہون والیاں دی معلومات
اسی تہانوں اپنے تحقیقی مطالعہ Ask Three Questions وچ شریک ہون لئی دعوت دینا چاہواں گے شرکت رضاکارانہ اے تے اگر تسی شامل ہوندے او تے تہاڈے پہچان کوئی نئیں کر سکے گا۔ اگر تسی شرکت کرن تے اتفاق کردے او تے جواب دین لئی 12 سوال نیں۔
مطالعہ دے بارے وچ
ایس مطالعہ دا تعلق غیر جسمانی ابتدائی تعلق دے دوران جبر تے کنٹرول دے بارے وچ اے جیہڑا اہم اے کیونکہ اے اکثر جسمانی زیادتی دا باعث بندا اے۔ اسی 18 سال یا ایس توں زیادہ عمر دے شرکاء دی تلاش کر رئے آں جو فی الحال کسے رشتے وچ نیں۔ تحقیق وچ حصہ لین لئی تہاڈے وقت دے تقریباً 5 منٹ لگن گے۔
تحقیق دا مقصد
تحقیق دا مقصد تین سوال پوچھن دے ٹول دی توثیق کرنا اے۔
مینوں کیوں بلایا گیا اے؟
مقصد اے وے کے اونہاں لوکاں نوں شامل کیتا جائے جیہڑے کسے رشتے وچ بنھے ہوئے نیں۔
کی مینوں ایدھے وچ ضرور شامل ہونا اے؟
شرکت مکمل طور تے رضاکارانہ اے۔ حصہ لینا یا نہ لین دا فیصلہ کرنا تہاڈے اتے منحصر اے۔ اگر تسی حصہ لین تے اتفاق کردے اوتے تہانوں ڈیجیٹل طور تے رضامندی دے لئی کہیا جائے گا۔ تسی اپنے براؤزر دے ٹیب نوں بند کر کے اپنا ڈیٹا جمع کران توں پہلے کوئی وجہ دسے بغیر واپس ہو سکدے او۔
اگر میں حصہ لینا آں تے میرا کی ہوئے گا؟
اگر تسی شرکت کرن تے اتفاق کردے او تے جواب دین لئی 12 سوال نیں۔
اخراجات تے ادائیگیاں
تہاڈے ایس وقت دا کوئی معاوضہ نہیں اے۔
کی ڈیٹا اکٹھا کیتا جائے گا؟
اسی تہاڈے تعلقات دے بارے وچ گپت بند سوالاں دے جواب جمع کراں گے۔
حصہ لین دے ممکنہ نقصانات کی نیں؟
تہانوں کجھ حساس نوعیت دے سوال مل سکدے نیں۔ تاہم، اگرتسی جواب نئیں دینا چاہندے اوتے تسی ‘نئیں دسن نوں ترجیح دیاں گا’ دا انتخاب کر سکدے او۔
حصہ لین دے ممکنہ فوائد کی نیں؟
ہو سکدا اے کہ تہاڈی شرکت کرن دا کوئی براہ راست ذاتی فائدہ حاصل نہ ہوسے لیکن او لوک جیہڑے رشتے وچ جبر تے کنٹرول دا سامنا کر رہے نیں او ایس کم دے نتائج توں فائدہ اٹھا سکدے نیں۔
کی میرا ڈیٹا خفیہ رکھیا جائے گا؟
کوئی ذاتی ڈیٹا اکٹھا نئیں کیتا جائے گا۔ ڈیٹے نوں کیل یونیورسٹی اوپن ڈیٹا ریٹینشن پالیسی دے مطابق محفوظ طریقے نال ذخیرہ کیتا جائے گا۔ گمنام ڈیٹا، جدھے توں تہاڈی شناخت نئیں کیتی جا سکدی، پراجیکٹ دے اختتام تے عوامی طور تے شیئر کیتا جائے گا تے اودے تک کھلی رسائی دتی جائے گی۔ (Keele University Open Data Retention Policy)
اگر میں مطالعہ جاری نئیں رکھنا چاہندا تے کی ہوئے گا؟
تسی اپنا براؤزر ٹیب بند کر کے شرکت روک سکدے او۔ یاد رکھو کہ جمع کران دے بعد تہاڈا ڈیٹا واپس لینا ممکن نئیں ہوئے گا کیونکہ ڈیٹا گمنام طور تے جمع کیتا جاندا اے۔
اگر کوئی مسئلہ ہووے تے کی ہوئے گا؟
اگر تہانوں ایس مطالعہ دے بارے وچ کوئی سوال، تشویش یا شکایت اے، تے تسی موضوع دی لائن نوں خالی چھڈ کے: AskThreeQ@gmail.com دے ذریعے خفیہ طور تے تحقیقی کرن والیاں نال رابطہ کرو ۔ ای میل دے ذریعے انکشافات نوں حساس طریقے نال سنبھالیا جائے گا۔
اگر تہاڈی تشویش یا شکایت تحقیقی ٹیم دے ذریعے حل نئیں ہوندی اے، تے تہانوں FMHS ریسرچ ایتھکس کمیٹی نوں health.ethics@keele.ac.uk دے ذریعے رابطہ کرنا چاہی دا اے۔
تحقیق کرن لئی پیسے کون دے ریا اے؟
ایس تحقیق لئی مالی مدد کیل یونیورسٹی انسٹی ٹیوٹ فار گلوبل ہیلتھ اینڈ ویلبینگ کر رئی اے۔ (Keele University Institute for Global Health and Wellbeing)
مطالعے تے نظرثانی کس نیں کیتی اے؟
انسانی شرکاء تے مشتمل تحقیق دا اک اخلاقی کمیٹی دے ذریعے جائزہ لیتا جاندا اے تاکہ ایس گل نوں یقینی بنایا جا سکے کہ شرکاء دے وقار تے بہبود دا احترام کیتا جاوے۔ ایس مطالعہ نوں Keele یونیورسٹی FMHS فیکلٹی ریسرچ ایتھکس کمیٹی نے سازگار اخلاقی رائے دتی اے۔